Ukraina shkatërron bazën ruse të dronëve, asnjë reagim nga Moska

Ukraina thotë se imazhet satelitore tregojnë shkatërrimin e një magazine ruse të përdorur për lëshimin e dronëve iranianë dhe trajnimin e kadetëve.

Fotot, të publikuara nga Marina e Ukrainës, pasojnë raportet për një shpërthim të madh pranë një aeroporti rus në rajonin jugor të Krasnodarit.

Moska, sipas BBC, ende nuk ka komentuar mbi raportet, por tha se rrëzoi një numër dronësh në zonë të premten mbrëma.

WATCH – 🔥Nearby, a base containing many Shahed-136 tactical drones of the radical Islamic terrorist dictatorship of Iran and motorcyclists of the Russian terrorist state army was burned down due to attacks. fair Tactical drones and missiles of the Ukrainian armed forces.💥🇷🇺🔥 pic.twitter.com/MIHJEM4Wvf

— vanhoa (@vanhoa2272) June 23, 2024

Zyrtarët e marinës në Kiev thanë se disa instruktorë dhe kadetë që mësonin të përdornin dronët Shahed të Iranit u vranë në sulmin, për të cilin ata thanë se ndodhi të premten mbrëma.

Në një postim në Telegram, zyrtarët e marinës në Kiev thanë se operacioni ishte planifikuar dhe kryer në bashkëpunim me shërbimet e inteligjencës ukrainase.

Baza ishte e vendosur në Detin Azov përballë qytetit të okupuar ukrainas të Mariupolit, treguan të dhënat nga Planet Labs, kompania me bazë në SHBA që bëri fotot. /vizionplus.tv