VIDEO/ Një nga më të kërkuarit në Europë, arrestohet “bosi” shqiptar i drogës në Spanjë, si i shpëtoi drejtësisë për 2 vite

Është arrestuar në Madrid 58-vjeçari Haredin Fejzulla, i dënuar nga autoritetet belge me 29 vjet burg.

Operacioni i policisë spanjolle çoi në arrestimin e 10 personave, në lagjen Carabanchel të Madridit, mes të cilëve edhe Fejzulla, i akuzuar për drejtimin e një bande me bazë në Belgjikë dhe i përfshirë në kultivimin dhe trafikimin e kanabisit, një biznes i paligjshëm me të cilin ata grumbulluan një pasuri prej më shumë se katër milionë euro.

🚩Detenido en #Madrid uno de los “EUROPE’S MOST WANTED” reclamado por tráfico de drogas

Este hombre albanés había sido condenado a más de 29 años de prisión en #Bélgica por 13 cargos por tráfico de drogas, pertenencia a organización criminal y falsificación de documentos pic.twitter.com/bXd2Gs2WS9

— Policía Nacional (@policia) September 16, 2024

Në vititn 2022 ai u dënua me 29 vjet burg nga gjykata e Brukselit, por pas vendimit ai u arratis.

Sipas Policisë, hetimet për gjetjen e tij kanë nisur në janar të vitit 2023, për shkak të dyshimeve se ai mund të fshihej në Madrid. I arratisuri mori masa të shumta sigurie për të mos u lokalizuar dhe kishte mjete të ndryshme me të cilat udhëtonte të fshehura, si dhe shtëpi të shumta ku kalonte natën me ndërprerje.

Ai ndërronte rregullisht edhe celularin. Megjithatë, ai u gjet të enjten e kaluar në lagjen Carabanchel kur po shkonte drejt një furgoni që kishte shkuar për ta kërkuar pranë njërës prej vendstrehimeve të tij.

Policia Kombëtare arrestoi Haredin Fejzullën sipas një urdhër-arresti të lëshuar nga autoritetet belge, vend në të cilin ai u dënua me më shumë se 29 vjet burg për 13 krime të trafikut të drogës, anëtarësimit në organizatë kriminale dhe falsifikimit të dokumenteve të kryera, mes viteve 2014 dhe 2018. Pas arrestimit, ai është vënë në dispozicion të Gjykatës Qendrore Hetimore të Gjykatës Kombëtare, e cila duhet të vendosë nëse do ta ekstradojë në Belgjikë.

Rrjeti kishte një strukturë hierarkike të mirëpërcaktuar, me të arratisurin në krye që koordinonte të gjitha aktivitetet. Në nivelet më të ulëta kishte kopshtarë, punonjës pastrimi, grumbullues parash dhe menaxherë logjistikë.

Grupi kriminal përdorte dokumentacion fals për të marrë shtëpi me qira dhe për të lidhur kontratat e energjisë elektrike në banesat ku kultivonin kanabis në masë. Ata gjithashtu rekrutuan emigrantë të parregullt për të punuar në kulturat e drogës. Hetimi nga autoritetet belge kundër bandës Haredin Fejzulla kulmoi me çmontimin e 13 plantacioneve të kanabisit dhe arrestimin e tyre.

Pasi u dënua, Fajzulla arriti të arratisej dhe Belgjika kishte lëshuar ndaj tij tre urdhër-arreste evropiane. Ai ishte në listën e Europolit për të arratisurit më të kërkuar në Evropë, e cila mbledh së bashku të arratisurit më të kërkuar nga drejtësia në kontinent.