VIDEO/ Sot ndryshimet në Polici, Rrumbullaku i dorëhequr merr pjesë në mbledhje

Muhamet Rrumbullaku pritet që në mbledhjen që do të zhvillojë sot ministri i Brendshëm Ervin Hoxha të dorëzojë zyrtarisht dorëheqjen nga posti i drejtorit të Përgjithshëm i Policisë së Shtetit.

I dorëhequr, Rrumbullaku do marr pjesë në mbledhje. Pak para nisjhes, ai është parë duke hyrë në ambientet e Ministrisë së Brendshme.

I qeshur, ai përshëndet gazetarët dhe më pas hyn në ambientet e ministrisë.

Muhamet Rrumbullaku u emërua si drejtori i Përgjithshëm i Policisë së Shtetit pas vendimit të qeverisë më 7 shtator 2022.  Ky emërim i  Rrumbullakut erdhi pas shkarkimit të ish-drejtorit Gledis Nano. Ai u hoq me argumentin se nuk i realizoi objektivat.

Ndër të tjera, Muhamet Rrumbullaku ka mbajtur një sërë detyrash të larta në Policinë e Shtetit. Po ashtu, ai ka punuar edhe në sektorin privat.

Ministri i Brendshëm, Ervin Hoxha, nesër në orën 10:00 ka thirrur në mbledhje të gjithë drejtorët e policisë së qarqeve, si edhe drejtorët e departamenteve.

Pritet të diskutohet ligji i ri i policisë, ku kryesisht do të diskutohet në procedurën e përzgjedhjes së kreut të policisë së shtetit, drejtorëve vendorë dhe shefave të komisariateve. Këto pozicione me ligjin e ri do të përzgjidhen me komision. /vizionplus.tv