Aksident me vdekje në Fier

Një i moshuar ka humbur jetën si pasojë e një aksidenti të ndodhur rreth orës 13:15 të ditës së sotme, 22 shtator.

Ngjarja është regjistruar në rrugën “Skënderbej”, Fier.

Policia njofton se shtetasi M. J., 47 vjeç, duke drejtuar automjetin, ka përplasur këmbësorin, shtetasin L. Ç., 81 vjeç.

Si pasojë e përplasjes shtetasi L. Ç., ka humbur jetën.

Shërbimet e Policisë kanë shoqëruar drejtuesin e automjetit, shtetasin M. J., në Komisariat për veprime të mëtejshme.

Grupi hetimor po punon për sqarimin e plotë të rrethanave të aksidentit./vizionplus.tv