Atentati në Kurbin me objektiv Ardjan Gjeloshin/ Pista e hetimit një vrasje e ndodhur disa vite më parë

Burimet e gazetares së Top Channel, Anila Hoxha, treguan skedën e atentatit, ku mbeti i vrarë një person.

Dritan Gjeloshi, vëllai i Ardjan Gheloshit, është gjykuar për vrasje në rrethana cilësuese për një ngjarjeje të 28 nëntorit 2002, në aksin Milot-Fushë Krujë, që lidh fshatin Gorre me autostradën.

Pas një shkëmbimi me armë zjarri ka gjetur vdekjen shtetasja Marije Prenga është plagosur Kastriot Prenga dhe Vitore Prenga. Në vendin e ngjarjes gjatë asaj kohe mbeti i plagosur edhe vetë Dritan Gjeloshi.

Hetimi provoi 22 vite më parë se Kastriot Prenga së bashku me xhaxhain, nusen e xhaxhait, Marie Prenga, dhe dy motrat e tij, kishin qenë në fshatin Gorre për të marrë pjesë në ceremoninë mortore të gjyshit, të ndjerit Mark Mashi.

Përpara ceremonisë mortore Kastriot Prenga kishte shkuar më herët për të marrë dërrasa në shtëpinë e Gjon Gjeloshi, i cili ishte komshi me Mark Mashin, pasi synonte të akomodonte njerëzit që do t’i ngushëllonin ditën e fatkeqësisë.

Në këtë moment Prenga është konfliktuar me Gjon Gjeloshin, i cili ka pretenduar se policia i kishte keqtrajtuar fëmijët (pjesë e te cilëve ishte edhe Prenga).

Ngjarja precipitoi në fund të ceremonisë mortore kur Kastriot Prenga teksa po drejtonte kamionçinën kishte si pasagjere pesë të afërm me të cilët po kthehej në banesë.

Dëshmitarët treguan se rruga ju është ndërprerë nga Dritan Gjeloshi, i cili i qëlloi me automatik me 21 plumba duke lënë të vrarë një grua dhe plagosur dy të tjerë.

Gjatë kësaj ngjarjeje mbeti i plagosur Ardjan Gjeloshi, pasi nga këqyrjet e atëhershme u konstatuan gëzhoja të qitura dhe nga një pistoletë me të cilën hetimet provuan se kishte qëlluar Prenga.

Dritan Gjeloshi, i vëllai i objektivit të atentatit në Kurbin dy ditë më parë, për këtë krim ishte dënuar me 20 vjet burgim.

Gjatë ditës së sotme janë zbuluar detaje te reja, ku u gjet një makinë e djegur në Fushë Milot e cila dyshohet se është përdorur për atentatin.

Makina e djegur dyshohet të jetë “Range Rover” i zi me targa të vjedhura po ashtu makina dyshohet se është vjedhur para disa ditësh pranë një karburanti në autostradën Lezhë-Laç.

Burime thonë se autorët janë futur nga Fushë-Miloti po ashtu kanë dalë prej andej ku u gjet dhe makina e djegur.

Autorët janë prezantuar si policë në momentin që janë futur brenda objektit, po ashtu dhe rojës, i cili ka qenë prezent. Më pas ata kanë qëlluar drejt 51-vjeçarit Ardjan Gjeloshit dhe Selman Mihana, i cili mbeti dhe viktimë e këtij atentati.

Dyshohet se kanë qenë dy makina që janë përdorur në këtë atentat dhe dyshohet se njëra makinë tip “Range Rover” është vjedhur disa kohë më parë në një karburant në autostradën Lezhe-Laç.

Selman Mihana 70 vjeç mbeti i vdekur në fshatin Gurez të Kurbin, gjatë atentatit.

Autoret kanë qëlluar nga jashtë firmës, ndërkohe plumbat i kanë kapur gjatë momentit që po futeshin në zyre. Në moment ka qenë prezent vetëm roja i objektit dhe sipas burimeve shënjestra ka qenë pronari i firmës i cili dyshohet se është qëlluar për shkaqe hakmarrje.

Top Channel