Bashkë me vëllanë kanosën 34-vjeçarin që t’i jepte 200 mijë euro, arrestohet i riu nga Belshi

Policia e Elbasanit ka arrestuar një 32-vjeçar të shpallur në kërkim, pasi në bashkëpunim me vëllanë, 1 vit më parë, kanosën një 34-vjeçar, që ai t’iu jepte 200 000 euro.

Në pranga ra shtetasi E. D., 32 vjeç, banues në Belsh.

Ky shtetas ishte shpallur në kërkim kombëtar, pasi Gjykata e Shkallës së Parë e Juridiksionit të Përgjithshëm Elbasan i ka caktuar masën e sigurisë “Arrest në burg”, për veprat penale “Shtrëngimi me anë të kanosjes ose dhunës për dhënien e pasurisë”, kryer në bashkëpunim, dhe “Prodhimi dhe mbajtja pa leje e armëve, armëve shpërthyese dhe municionit’.

Shtetasi E. D., më datë 12.08.2023, në bashkëpunim me vëllanë e tij (i arrestuar më parë, në kuadër të operacionit “Pressure”), dyshohet se kanë kanosur një shtetas 34 vjeç, që ai t’iu jepte shumën 200 000 euro, që dyshohet se rrjedh nga veprimtari të përbashkëta kriminale në fushën e narkotikëve, të kryera jashtë vendit.