“Faleminderit për mbështetjen”, Prokuroria dërgoi shkresën në Kuvend, Salianji: Po burgoset e vërteta! S’do t’ia dalin

Ditën e sotme, Prokuroria e Tiranës ka dërguar në Kuvend shkresën për heqjen e mandatit të deputetit demokrat, Ervin Salianji.

Një ditë pas lënies në fuqi të vendimit të shkallës së parë për dënimin me 1 vit burg pritet që Kuvendi të nis procedurat mbi ndërprerjen e mandatit të deputetit.

Vetë Salianji, ka reaguar përmes një postimi në Facebook dhe thotë se denoncimi i krimit nuk është faj dhe me këtë vendim nuk do të mund t’ia mbyllin gojën.

“Teksa sot po bëhen gati të zbatojnë urdhrin e Edi Ramës, vendimin e tij për të më izoluar, dhe të çojnë deri në fund perndjekjen politike, ata kurrë nuk do ja dalin të vendosin si normë se denoncimi i krimit, qenka faj”, shkruan ai.

Më tej Salianji thotë se e vërteta po sulmohet dhe po burgoset nga Edi Rama.

Më herët, edhe PD e konsideroi si të jashtëligjshëm vendimin apo urdhër-arrestin, duke pretenduar se Salianji gëzon mandatin e deputetit, ndaj bëri kërkesë për mbledhje urgjente të Këshillit të Mandateve.

Reagimi i plotë i Salianjit

Të dashur miq!

Jam mirënjohës pa fund nga mbështetja juaj, nga solidariteti me praninë, me telefonatat e mesazhet.

Ky është një moment i veshtirë për shtetin e së drejtës e sundimin e ligjit, për demokracinë, për të gjithë ata, mijëra burra e gra, të rinj e të reja me të cilët kemi bërë një udhëtim pa kushte në këto vite të veshtira të përballjes me qeverisjen e keqe, arbitrare, të dhunshme, të korruptuar, të lidhur me krimin.

Po duhet t’ju them se asgjë, asgjë nuk është mbyllur. Eshtë një përpjekje e ulët nën brez e tyre, që nuk do na ndalojë, nuk do na shkurajojë në perpjekjen tonë të madhe për një Shqipêri më të mirë.

Teksa sot po bëhen gati të zbatojnë urdhrin e Edi Ramës, vendimin e tij për të më izoluar, dhe të çojnë deri në fund perndjekjen politike, ata kurrë nuk do ja dalin të vendosin si normë se denoncimi i krimit, qenka faj.

Nuk do ja dalin kurrë ta vendosin rend, heshtjen e mbylljen e gojës. Dhe për këtë garancia e madhe jeni ju, demokratët e guximshem, qytetarêt e lirë që më keni mbeshtetur në gjjthë këto vite.

E vërteta do na bêjê më tê mirê. Dhe e verteta që po sulmohet, po goditet, po burgoset sot është se Edi Rama është produkt i krimit i bandave.

Sepse bëri Ministër të Brendshëm hetuesin e komunizmit dhe lidhjen mes bandave dhe tij, sepse përdori çdo institucion për ta mbrojtur e manipuluar çështjen. Sepse korrupsioni është i shtrirë ngado. Sepse me para të pista e me banditë ai blen vota e ruan pushtetit.

E vërteta është se asnjë qeveri nuk ja del të qendrojë gjithnjë në këto themele të kalbura.

Të dashur miq!

Do të jemi bashkë çdo ditë dhe më të fortë. Do të jemi bashkë shumë shpejt e do punojmë me zemer e perkushtim për ta hequr këtë të keqe që i ka zënē rrugën vendit. Dhe do ja dalim.

Falenderime