Falsifikonin dokumentat, përfundojnë në pranga tetë persona në Gjirokastër

Tetë persona kanë rënë në prangat e policisë së Gjirokastrës pasditen e kësaj të premte.

Ata ushtronin veprimtari kriminale të falsifikimit të dokumenteve dhe të dhënies ndihmë për kalim të paligjshëm të kufirit.

Lexo edhe :

Related Posts

Sipas njoftimit zyrtar, janë sekuestruar laboratory që shërbente për falsifikimin e dokumentave, një shumë e konsiderueshme parash, automjete dhe sende të tjera të kundërligjshme që shërbenin  për ushtrimin e veprimtarisë kriminale.

Gjithashtu Agjencia e Mbikëqyrjes Policore (AMP) ka ezkekutuar masën “arrest shtëpie” për Kryekomisarin e Gjirokastrës Agim Fejzo, i cili dyshohet se bashkëpunonte me grupin kriminal për falsifikimin e dokumentave.

Njoftimi i Plotë:

Drejtoria për Hetimin e Narkotikëve dhe Trafiqeve, në bashkëpunim me Drejtorinë e Forcës së Posaçme Operacionale, në Departamentin e Policisë Kriminale, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, si rezultat i një hetimi 9-mujor të ndjekur me metoda speciale, finalizoi me sukses operacionin policor të koduar “No chance”.

Në kuadër të këtij operacioni u ekzekutua masa e sigurisë “Arrest në burg”, për 8 shtetas.

Masat e sigurisë janë caktuar nga Gjykata e Shkallës së Parë e Juridiksionit të Përgjithshëm Gjirokastër, për veprat penale “Ndihma për kalim të paligjshëm të kufijve”, “Falsifikimi i dokumenteve”, “Falsifikimi i formularëve, stampave dhe vulave” dhe “Ushtrimi i ndikimit të paligjshëm te personat që ushtrojnë funksione pubklike”.

Është ekzekutuar masa e sigurisë “Arrest në burg”, për shtetasit:

A. H., 32 vjeç, banues në Tepelenë;
M. D., 40 vjeç, banues në Fier;
F. P., 56 vjeç, banues në Konispol;
M. H., 40 vjeç, banues në Tepelenë;
Y. Sh., 56 vjeç, banues në Gjirokastër;
A. S., 54 vjeç, banues në Gjirokastër;
⁠J. Ç., 51 vjeçe, banuese në Gjirokastër;
N. T., 52 vjeç, banues në Gjirokastër.

Këta shtetas dyshohet se gjatë viteve 2023 dhe 2024, kanë kryer veprimtarinë kriminale të dhënies ndihmë për kalim të paligjshëm të kufirit dhe të  falsifikimit të dokumenteve, kundrejt fitimit.

Vazhdon kryerja e veprimeve procedurale. /vizionplus.tv