Hezbollahu lëshon breshëri raketash në Tiberias në Izraelin verior

Hezbollahu njoftoi sot se hodhi një breshëri raketash në Tiberias, në Galilenë e poshtme në Izraelin verior, rreth 30 kilometra nga kufiri me Libanin.

Në një deklaratë, lëvizja shiite libaneze tha se iu përgjigj sulmeve “të egra” të Izraelit kundër vendeve dhe civilëve në Liban.

Lexo edhe :

Related Posts

Nga ana e saj, ushtria izraelite theksoi se katër dronë dhe raketa hynë në hapësirën ajrore të Izraelit nga Libani.

Sirenat paralajmëruese u dëgjuan kryesisht në Galilenë e poshtme kur katër dronë hynë në hapësirën ajrore izraelite në provincën Ros Hanika, në kufi me Libanin, por u rrëzuan, tha ushtria izraelite. Sipas të njëjtit burim, disa raketa janë lëshuar edhe nga Libani, disa prej të cilave janë kapur.

Teherani mbështet Hezbollahun, por me mençuri

Në sfondin e sulmeve masive të Izraelit kundër Hezbollahut, Irani po arrin një ekuilibër delikat duke mbështetur aleatin e tij libanez pa u përfshirë drejtpërdrejt në konflikt, gjë që mund të dëmtojë përpjekjet e tij për të de-përshkallëzuar sanksionet perëndimore kundër tij, vlerësojnë analistët.

Që nga fillimi i luftës në Rripin e Gazës midis Izraelit dhe Hamasit, Hezbollahu ka mbështetur organizatën palestineze duke gjuajtur raketa pothuajse çdo ditë në pjesën veriore të Izraelit, e cila po hakmerret. Zjarri i rëndë izraelit ka synuar bastionet e lëvizjes shiite të Libanit që nga e hëna, duke rritur frikën për një përhapje të mëtejshme të konfliktit në rajon./vizionplus.tv