Mbyllet në barazim Inter-Napoli, Chalhanoglu nga “parajsa” në “ferr”

Është mbyllur në barazim 1-1 kryendeshja e javës së 12-të të Serie A, ajo mes Interit dhe Napolit. Ishin napolitianët që kaluan të parët në avantazh në minutën e 23-të.

Ishte McTominai i cili shfrytëzoi saktë asisist e Rrahmanit duke kaluar napolitianët në avantazh.

Por në fund të pjesës së parë zikaltrit do të barazonin shifrat në 1-1 me anë të Hakan Chalhanoglu. Me këtë rezultat u mbyll pjesa e parë.

Ndërkohë në pjesën e dytë zikaltrit shpërdoruar një mundësi të madhe për të kaluar në avantazh dhe për të marrë tre pikët.

Turku Hakan Chalhanoglu nuk mundi të realizojë ga pika e bardhë e 11 metërshit, duke e lënë të pandryshuar rezultatin.

Pas kësaj sfide Napoli vijon të udhëheq Serie A me 26 pikë, ndërsa Interi renditet në vendin e katërt me 25 pikë, po aq sa Atalanta, Fiorentina dhe Lazio. /Vizionplus.tv/