.png){kind=spacer}
Transmetimi i drejtpërdrejtë i një shfaqjeje popullore televizive në Ekuador u fut në kaos ndërsa persona të armatosur me maska në kokë vërshuan studion e saj të regjistrimit dhe drejtuan armët drejt prezantuesit të emisionit.
Incidenti i tmerrshëm ndodhi gjatë transmetimit të një emisioni në TC Televisión, raporton gazeta lokale El Universo. Pamjet që u postuan në rrjetet sociale, ku u bënë menjëherë virale. Në video mund të dëgjoheshin gazetarët duke deklaruar: “Duan të na vrasin të gjithëve”.
Ndërkohë një nga sulmuesit thotë: “Jemi në transmetim që ta dinë se nuk duhet të luajnë me mafien”.
Të gjendur përballë këtij kërcënimi punonjësit e tjerë thuhet se mund të dëgjoheshin gjithashtu duke bërtitur: “Mos qëlloni, ju lutem!”
Katastrofa filloi rreth orës 14:00 të kësaj të marte me orën lokale. Rreth gjysmë ore më vonë u dëgjuan një sërë shpërthimesh nga brenda studios. Transmetimi u mbyll shpejt rreth orës 14:39, por emisioni mbeti drejtpërdrejtë në kanalet ndërkombëtare.
Një nga sulmuesit e maskuar dyshohet se kishte marrë me vete një shkop dinamiti në ndërtesë, të cilën e la te ambientet e recepsionit, duke shkaktuar shpërthimet.
Shërbimet e urgjencës u alarmuan shpejt për incidentin dhe njësitë e specializuara, duke përfshirë skuadrat e bombave dhe ekipet taktike u dërguan në vendngjarje. Ndërkohë, punonjësit në Gamavisión, një studio në të njëjtën ndërtesë me TC Televisión, u evakuuan përmes një dalje anësore dhe u larguan në mënyrë të sigurt nga vendi i ngjarjes.
Studioja televizive është në veri të Guayaquil, një qytet i madh në bregun perëndimor të kombit të Amerikës së Jugut. Sulmi në studio nuk është sulmi i vetëm në qytet sot – pamjet e një sulmi në një ndërtesë të universitetit lokal qarkulluan gjithashtu në X.
Një video tregonte studentët duke vrapuar nga Universiteti i Guayaquil pasi pretendohej se “kriminelët” kishin hyrë brenda dhe kishin tentuar të merrnin pengje. “Urgjent!!! Kaos në Universitetin e Guayaquil!! Kriminelët hynë dhe u përpoqën të rrëmbenin njerëz,” ka shkruar një person në video.
Personat me kapuç u panë duke u larguar nga studiot e TC, ndërsa policia u pa duke hyrë në grup rreth 30 minuta pasi u shfaqën për herë të parë personat e armatosur. Njësitë e policisë kombëtare në Quito dhe Guayaquil janë vendosur në vendngjarje. Që nga shpallja e gjendjes së jashtëzakonshme, të paktën shtatë policë janë rrëmbyer nga anëtarët e bandës.
Masat u prezantuan nga Presidenti Daniel Noboa pasi bosi i bandës Los Choneros u zhduk nga një burg i sigurisë maksimale të dielën. Gati 40 të burgosur të tjerë, duke përfshirë një tjetër bos droge të dënuar, u arratisën nga një burg tjetër në qytetin e Riobamba në orët e para të së martës.
Top Channel
English (US) ·