.png){kind=spacer}
8 months ago
35
Balerini Leon Cino, një nga artistët që e përfaqëson Shqipërinë në sallat më prestigjoze të kërcimit në botë vjen në një rrëfim ndryshe për rrugëtimin e tij në balet, sfidat e emigrimit, të rejat nga jeta profesionale dhe personale.
Në një lidhje direkte për emisionin “Vizioni i Pasdites” ai rrëfen rrugëtimin e tij, që siç ai tregon, nisi në Shqipëri, por vijoi më pas në Itali e SHBA.
“Herën e parë që kam hyrë në një sallë baleti isha i tmerruar dhe kërkova të ikja sepse pashë gjithë fëmijët që bërtisnin sepse baleti ka nevojë për elasticitet”, tha ai. “Kur pashë si ushtrohen dhe mënyra e veprimit për të zgjatur tendinat ishte e tmerrshme dhe impakti i parë ishte i frikshëm, traumatik. Pastaj një profesor i shkollës më mori veç edhe nga aty filloi përnjëherë dashuria për baletin sepse mënyra se si mësonin fëmijët e vegjël ishte mënyrë perfekte”, shton ai.
Ai thekson se doli i pari mes 300 fëmijëve të tjerë në një audicion mjaft të rëndësishëm për të në La Scala. Më tej, ai vijoi karrierën në SHBA, ku nuk munguan sakrificat.
“Pata fatin që një periudhë para diplomës punova me trupën e baletit të La Scala edhe disa drejtorë të kompanive të ndryshme më dhanë kontratë pune dhe drejtoresha e punës më tha të zgjidhja. Ishin kontrata të ndryshme në Azi, Europë e SHBA”, tha ai. “Kam kaluar vitet më të bukura në SHBA. Kam pasur vështirësi, sepse ishte një periudhë që isha i vogël dhe i shikonin shqiptarët në një mënyrë të ccuditshme. Njerëzit, shumicat e injorantëve vendosnin gishtat për gjtihccka, por unë jam krenar që jam shqiptar”, tha ai./vizionplus.tv/
English (US) ·