Qeveria gjermane rrit lejet për dërgesat e armëve në Izrael

Qeveria gjermane ka rritur lejet për dërgesat e armëve në Izrael, duke tejkaluar çdo vlerësim të mëparshëm, sipas të dhënave të publikuara sot nga ministria e jashtme e vendit.

Që nga gushti, miratimet për eksportin e pajisjeve ushtarake në Izrael kanë një vlerë totale prej 94.05 milionë euro, sipas Ministrisë së Jashtme.

Kjo shumë është më shumë se dyfishi i 45.7 milionë eurove, që ishte vlera e eksporteve të miratuara siç raportohet nga Ministria e Financave në Komisionin e Çështjeve Ekonomike të Bundestagut (dhoma e ulët) gjatë vitit deri më 13 tetor.

Shitjet e armëve në Izrael kanë ngjallur reagime të forta në Gjermani prej muajsh.

Vitin e kaluar, qeveria e koalicionit të kancelarit Olaf Scholz miratoi shitjet e pajisjeve ushtarake me vlerë 326.5 milionë euro, duke përfshirë armët ushtarake me vlerë 20.1 milionë euro.

Shumica e lejeve u dhanë pas sulmit të paprecedentë të Hamasit në jug të Izraelit më 7 tetor 2023. Megjithatë, në muajt e parë të këtij viti, lejet u reduktuan shumë.

Përgjigjet e dhëna në pyetjet parlamentare tregonin miratimet për shitjen e pajisjeve ushtarake prej vetëm 14.4 milionë euro që nga 21 gushti. Eksportet e armëve ushtarake ishin pezulluar që nga fillimi i marsit. /vizionplus.tv