Sot protesta e radhës para Bashkisë, policia merr masa për të siguruar mbarëvajtjen

Ditën e sotme mbahet protesta e radhës para Bashkisë së Tiranës.

Kjo do të jetë protesta e 10-të në radhë që mbahet në lidhje me dosjen “5D”, teksa kërkohet dorëheqja e Erion Veliajt.

Policia ka marrë masat për mbarëvajtjen e protestës, pasi më para nuk kanë munguar tensioned dhe janë hedhur vezë, fruta dhe Molotov në drejtim të bashkisë.

Madje protestuesit kanë tentuar edhe të heqin gardhin metalik dhe janë përplasur me policinë.

Ndërkohë, anëtarët e këshillit bashkiak të opozitës pretendojnë se nuk janë lejuar të hyjnë në bashki për të bërë punën e tyre. /vizionplus.tv