“Taktikë e përdorur në periudhën sovjetike”, aktivisti: Navalny u mbajt në të ftohtë dhe u vra me grusht në zemër

Alexei Navalny mund të jetë vrarë nga një grusht në zemër, një teknikë e mësuar dikur nga agjentët e shërbimit sekret sovjetik.

Vladimir Osechkin, themeluesi i grupit të të drejtave të njeriut Gulag.net, i tha The Times se ai besonte se autoritetet ruse e mbanin Navalny në të ftohtë para se ta ekzekutonin me një grusht të vetëm.

Aktivisti citoi si provë komentet e një burimi që punonte në qendrën e paraburgimit të Rrethit Arktik ku vdiq Navalny, i cili tha se kishte mavijosje në trupin e tij kur vdiq, në përputhje me teknikën e grushtit.

Alexei Navalny killed by ‘KGB hallmark’ punch to the heart, human rights campaigner claims – Evening Standard https://t.co/IcKamsMGdh

— Ian Kingsley (@authorkingsley) February 21, 2024

“Ata mund ta vrisnin Navalnin në çfarëdo mënyre që dëshironin”

Osechkin, megjithatë, nuk është i bindur nga ky version, duke theksuar se autoritetet ruse mund ta vrisnin Navalnin në çdo mënyrë që të dëshironin, por nuk do të donin “të linin gjurmë në trupin e tij, gjë që do të çonte drejtpërdrejt te Putini”.

Ai pretendon se në prag të vdekjes së tij, Navalny u detyrua të kalonte dy orë e gjysmë deri në katër orë në një zonë të jashtme të burgut, ku temperatura mund të bjerë në -27 gradë Celsius.

“Mendoj se së pari e shkatërruan sistemin e tij duke e mbajtur në të ftohtë për një kohë të gjatë dhe duke ngadalësuar në minimum qarkullimin e tij të gjakut. Nga atje është shumë e lehtë të vrasësh dikë në sekonda, nëse personi që e ka marrë përsipër ka përvojë”, tha ai.

Dhe ai pretendoi se teknika e goditjes në zemër të KGB-së ishte përdorur te Navalny në mënyrë që të mos lihej asnjë gjurmë e shkakut të vdekjes së tij.

Nga ana e tyre, autoritetet ruse deri më tani nuk kanë dhënë ndonjë shpjegim bindës për vdekjen e Navalny.

Sipas një njoftimi të burgut, 47-vjeçari “pas një shëtitje u ndje keq dhe u rrëzua”.

Të afërmit dhe bashkëpunëtorët e tij më vonë thanë se Navalny vdiq nga “sindroma e vdekjes së papritur”.

Njerëzit e Navalny nuk i kanë komentuar pretendimet për një goditje fatale në zemër dhe gruaja e tij, Yulia Navalny, ka thënë se beson se burri i saj ishte helmuar me Novichok. Raportet për mavijosje në trupin e tij gjithashtu mbeten të pakonfirmuara.

E gjithë kjo vjen pasi gjykata në qytetin Salekhard, qyteti ku supozohet se u mor trupi i Navalny pas vdekjes së tij, tha se do të shqyrtonte kërkesën e nënës së tij që trupi i tij të kthehej më 4 mars./vizionplus.tv