Tuchel në krye të Anglisë, ish-futbollisti i “tre luanëve”: Zhgënjyese që nuk zgjodhën një trajner vendas

Federata Angleze e Futbollit ka njoftuar nënshkrimin e ish-trajnerit të Chelseat dhe ish-trajnerit të Bayern Munichut, Thomas Tuchel.

Trajneri gjerman, për të cilin shtypi anglez nuk ka një opinion shumë… pozitiv, merr detyrën nga 1 janari 2025 dhe tashmë përzgjedhja e tij ka shkaktuar shumë debate.

Gary Neville ishte gjithashtu i përfshirë në këtë çështje, ai e njohu vlerën e Tuchel si trajner, por shprehu zhgënjimin e tij që federata zgjodhi një jo-anglez për udhëheqjen teknike.

“Ai është një trajner i madh, nuk ka dyshim për këtë. Nuk mund të fajësosh FA për zgjedhjen e tyre, sepse ata u pajtuan me ndoshta trajnerin më të mirë në botë për momentin. Megjithatë, ka një ndjenjë zhgënjimi për faktin se ata zgjodhën një trajner të huaj.

Kam punuar me Capello-n dhe Eriksson-in, por kuptova se dëmi i bërë në imazhin e teknikëve anglezë ishte i madh. Nëse nuk do t’i promovojmë në vendin tonë, atëherë nuk mund t’u kërkojmë të tjerëve në Evropë ta bëjnë këtë. Gareth Southgate kishte rikthyer besimin te Anglia për sa i përket cilësisë së trajnerëve”, ka thënë ai. /vizionplus.tv