VIDEO/ Ervin Salianji mbërrin në burgun e Fierit

Deputeti i Partisë Demokratike, Ervin Salianji ka mbërritur në burgun e Fierit, ku do të vuajë dënimin me 1 vit, pas vendimit të Apelit të Përgjithshëm.

Ai u shpall fajtor për “Kallëzim të rremë” për dosjen Babale ku përmes një audio-përgjimi akuzoi vëllain e ish-ministrit të brendshëm, Fatmir Xhafaj, Geron Xhafajn si trafikant droge.

Ndërkohë para ambienteve të burgut të Fierit ndodhet dhe deputeti tjetër i PD, Luan Baçi.

Në një prononcim për mediat Baçi tha se meqënëse Salianji do ta vuajë dënimin në Fier do të ketë në dispozicion të gjithë strukturat.

“Në burgun e Fierit vjen një kolegu im, i dënuar politikisht. Do të jemi pranë tij dhe në krah të tij. Strukturat e Fierit do të jenë në dispozicion të tij. është detyrimi ynë meqënëse institucioni i dënimit të Salianjit është në Fier. Kushdo nga ne mund të ishte në vend të Salianjit. Ai përveçse bëri një denoncim të saktë, të kthjellët që u vërtetua katërcipërisht, pasi ai denoncoi vëllain e zoti Xhafaj, i cili iku në Itali të vuajë dënimin. Është dënim politik, patjetër që unë do të jem këtu në mbështetje të zotit Salianji”, tha Baçi. /vizionplus.tvv