Xhaferi: A e denigrojnë SHISH akuzat e bëra nga kryeministri? Hyseni: Nuk komentoj akuzat që vijnë nga institucionet politike

Kryetarja e Shëbrimit Informativ Shtetëror, Vlora Hyseni, ishte e pranishme ditën e sotme në Komisionin e Sigurisë Kombëtare, ku raportoi para deputetëve.

Zv.kryetari i Komisionit të Sigurisë, Ferdinand Xhaferi, gjatë pyetjeve drejtuar Hysenit ka kërkuar të dijë se si kanë ndikuar akuzat e kryeministrit Edi Rama në drejtim të institucionit që ajo drejton, pasi një vit më parë e quajti dispeçeri.

“Per Ferdinand Xhaferin si zv. Kryetar i Komisionit te Sigurise Kombetare ju jeni e nderuara zj. Vlora Hyseni drejtoreshe e Shrbimit Informativ Shteteror. Per Kryemnisistrin e vendit z. Edi Rama, sipas percaktimit te tij ne 5 Shtator 2023,  ju jeni kryedispece e Sherbimit Shtetror te Thashethemeve. Them kete sepse ne Asamblene e Partise Socialiste ne fillim Shtatorin e vitit 2023 kryeministri Rama ka thene: 

“Unë pres që dhe Shërbimi Informativ t’i bashkohet thellësisht luftes kunder korrupsionit, duke u transformuar … nga një dispeçeri kombëtare thashethemesh me shkrim  ku duhet të lexosh 1000 faqe për të gjetur një fletë me informacion kuptimplotë për keqbërësit brenda zyrave të shtetit apo rreth institucioneve të shtetit”. Pra, per kryeministrin  e vendit ju, jo vetem nuk keni bere asnje perpjekje ne luften ndaj korrupsionit, por thjesht funksiononi si dispeceri bollokplot thashethemesh ku duhet te kerkosh ne 1000 faqe per te gjetur nje faqe informacion.

Nga ketu burojne disa pyetje:

1)Ju duket normale qe nga tribunat partiake kreu i ekzekutivit jo te sulmoje, por shume me keq se kaq, te perdhose Sherbimin Informativ Shteteror duke e etiketuar si dipsceri thashethemesh?

2)Ju duket normale qe mundi, djersa dhe sakrificat e dhjetra te rinjve dhe te rejave, burrave dhe grave qe punojne ne sherbim te perdhoset ne kete menyre sa te etiketohen si despeceri thashethemesh dhe ju si Kryedispece e Sherbimit Shteteror te Thashethemeve?

3)Ju duket normale qe sherbimet e vendeve partnere te mesojne nga kreu i ekzekutivit qe ne nuk kemi sherbim, por dispeceri thashethemesh?

4)Ka ndikuar ky etiketim ne bashkepunimin me keto sherbime?

5)Ju duket normale qe sherbimet e vendeve si Serbia, Kina dhe Rusia te mesojne nga kryeministri i Shqiperise qe ne nuk kemi Sherbim Informativ Shteteror, por Dispeceri Shteterore Thashethemesh?”, ishin pyetjet që Xhaferi i drejtoi Drejtoreshës së SHISH, Vlora Hyseni.

Sa i përket pyetjeve të bëra nga Xhaferi Hyseni refuzoi të përgjigjej, duke theksuar se nuk komenton deklarata politike që vijnë nga parlamenti apo anëtarët e qeverisë.