.png){kind=spacer}
2 months ago
30
Ka raste kur mund të gjendemi duke qeshur në situata ku humori duket jashtë vendi, madje edhe i papërshtatshëm. Ndonjëherë, gjatë momenteve të vështira apo në raste të trishtueshme, mund të na shpëtojë një e qeshur e papritur, duke na vënë në një situatë të sikletshme.
Kjo sjellje e çuditshme shpesh ndodh për shkak të një mbingarkese emocionale që ndiejmë brenda vetes. Kur përballemi me emocione të forta, trupi ynë mund të reagojë në mënyra të papritura, duke shfaqur ndjenja të kundërta me ato që po përjetojmë. Në vend që të shfaqim trishtim ose shqetësim, mund të shpërthejmë në të qeshura, si një mënyrë për të përballuar tensionin emocional.
Sipas psikologëve, kjo ndodh sepse qeshja në momente të vështira mund të jetë një mekanizëm natyror për të rregulluar emocionet tona. Kur përjetojmë një situatë që na mbingarkon emocionalisht, një e qeshur mund të ndihmojë në uljen e intensitetit të emocioneve negative, duke krijuar një lloj balancimi emocional. Ky proces, i njohur si “downregulation”, mund të sjellë përfitime, duke ulur stresin dhe tensionin në trupin tonë.
Oriana Aragón, një profesore e psikologjisë sociale në universitetin “Clemson”, tha se këto emocione të çuditshme duket se kanë edhe përfitime shoqërore.
“Ato mund të kenë një vlerë të rëndësishme në koordinimin ose krijimin e ndërveprimeve mes qënieve shoqërore,” u shpreh ajo.
Megjithatë, është e rëndësishme të kuptojmë se këto reagime janë të pavullnetshme dhe nuk tregojnë mungesë ndjeshmërie. Ato janë thjesht një mënyrë se si trupi dhe mendja jonë përpiqen të përballen me situata që janë emocionalisht të vështira për t’u përballuar. Në vend që të gjykojmë veten ose të tjerët për këto reagime, është më mirë të kuptojmë se këto janë mekanizma mbrojtës që ndihmojnë në menaxhimin e emocioneve të forta.
English (US) ·