Kush janë personazhët e famshëm që mbështesin Kamala Harris dhe Donald Trump

Kamala Harris dhe Donald Trump do të kenë mbështetjen e të famshmëve këtë fundjavë gjatë ngjarjeve si pjesë e fushatave të tyre në Shtëpinë e Bardhë.

Kandidatja e Partisë Demokratike do të dalë sot në skenë me Lizzo-n , më pas me Usher-in, dy artistë shumë të njohur të muzikës.

Elon Musk, përveç ofrimit të mbështetjes së tij financiare, filloi një turne rrufe në Pensilvani, me synimin për të mbledhur votuesit në anën e Donald Trump.

Kreu i Tesla dhe SpaceX do t’u drejtohet banorëve të Harrisburg, një shtet i rrethuar nga kandidatët presidencialë amerikanë për shkak të peshës së tij në elektorat, i cili përcakton banuesin e ardhshëm të Shtëpisë së Bardhë.

Donald Trump gjithashtu do të bëjë fushatë në Pensilvani sot dhe nesër.

Ai pritet të marrë për një kohë të shkurtër detyrat e një punonjësi të McDonald’s gjatë fundjavës, duke kërkuar të tallet me Kamala Harris, për të cilën ai thotë se gënjen kur thotë se ka punuar në një zinxhir të ushqimit të shpejtë në rininë e saj.

Zëvendëspresidentja, e cila do të festojë ditëlindjen e saj të 60-të të dielën, do të marrë pjesë sot në një tubim në Detroit, Michigan, një nga tre shtetet kryesore industriale në veri ku ajo ka fokusuar përpjekjet e saj gjatë gjithë javës.

Ajo do të ketë Lizzon në krah të saj. Këngëtarja, flautistja dhe reperja 36-vjeçare ka lindur në Detroit dhe tashmë ka bërë të ditur se votën e saj për Harris./vizionplus.tv