Misteri i zhdukjes së prezantuesit të BBC në ishullin grek, prej katër ditësh vijojnë kërkimet, skenarët që po shqyrtojnë autoritetet

5 months ago 28

Greqi– Prezantuesi i BBC-së, Mike Mosley është zhdukur prej katër ditësh në ishullin grek Symi.

Kërkimet intensive për gjetjen e tij vazhdojnë dhe policia po punon për të përcaktuar rrugën e saktë të ndjekur nga 67-vjeçari britanik, menjëherë pas largimit të tij nga plazhi i Agios Nikolas, ku humbi gjurmët.

Gruaja dhe katër fëmijët e prezantuesit ndodhen në Symi dhe janë në ankth për fatin e tij. Së bashku me ekipet e kërkimit dhe autoritetet, vullnetarë dhe gazetarë kanë shkuar në ishull dhe po marrin pjesë në kërkimin e tij.

Pesë varka patrullimi, së bashku me të gjitha varkat private dhe tregtare pranë ishullit, janë vënë gjithashtu në dispozicion për të kërkuar prezantuesin.

“Të gjitha anijet tona patrulluese janë në kërkim,” tha roja bregdetare.

Në kërkim po ndihmojnë gjithashtu një helikopter i dërguar nga Athina, dronët që kërkojnë në zona të vështira për t’u arritur dhe një qen nuhatës policie.

Autoritetet po “skanojnë” ishullin nga skaji në fund

Prezantuesi është larguar nga plazhi i Agios Nikolaos, ka mbërritur në zonë, ka marrë rrugën për në Gialos dhe diku gjatë rrugës ka ndodhur diçka. Si pasojë ai ka humbur gjurmët.

Në një video të filmuar nga kamerat e sigurisë, gazetari duket duke ecur jashtë dyqaneve të zonës.

Më pas, mendohet se ai është larguar nga Pedi dhe duke u nisur drejt Gialos, është ngjitur në mal ku për arsye ende të panjohura është zhdukur.

Siç raportuan burime policore për protothema.gr, gazetari, me të mbërritur në Pedi, mund të hipte në autobus dhe të shkonte në Gialos, gjë që, megjithatë, mesa duket nuk e bëri. Nëse do ta kishte bërë këtë, hipja e tij do të ishte kapur nga një kamera sigurie e vendosur në një dyqan pranë stacionit të autobusit.

Kështu me shumë gjasa gazetari ka mbërritur në Pedi dhe prej andej ka ndjekur rrugën që të çon në Gialos në këmbë dhe diku në mes ka ndodhur diçka.

Fotoja që komplikoi misterin

Ndërsa ekipet e shpëtimit po përpiqen të gjejnë gjurmët e tij, ditën e djeshme, Mega publikoi një foto që tregon prezantuesin britanik që ka kaluar rrugën e rrezikshme, duke mbajtur një ombrellë rreth 30 minuta para se të zhdukej.

Fotoja lidhet me dëshminë e një banori që ka deklaruar se ka parë prezantuesen britanik duke pritur në një stacion autobusi. Banori, i cili ka dhënë edhe një deklaratë pranë autoriteteve, ka pohuar se ka parë 67-vjeçarin duke pritur në stacionin e autobusit, në Pedi, në orën 14:00 të së mërkurës.