Nuk u kanë quajtur vitet e punës dhe përfitoni pension të ulët? Hapat që duhet të ndiqni për të fituar të drejtën

Të shumtë janë pensionistët të cilët ankohen se u kanë humbur vitet e punës, e për rrjedhim, ata kanë pasur një përfitim më të ulët monetar.

Ky ishte edhe shqetësimi i një qytetare, e cila telefonoi në emisionin “7pa5” në Vizion Plus dhe kërkoi një mendim nga eksperti i sigurimeve shoqërore Kujtim Hoxha.

Lidhur me këtë shqetësim, Hoxha i kujtoi telefonueses, por edhe pensionistëve të tjerë që kanë të njëjtin problem që të zgjidhin çështjen përmes ligjit 7501, ku në institucionin përkatës do të duhet të plotësojnë një formular për të vërtetuar se në periudhat që u kanë humbur, kanë qenë në punë.

Një tjetër rrugë sipas ekspertit janë edhe zgjidhjet përmes proceseve gjyqësore.

“Me ligjin 7501 kooperatiuvat i shpallën që nuk kanë më aktivitet.

Qeveria ka nxjerrë një ligj, 169/2020 që parashikon që 74 kooperativave u mungojnë dokumetat dhe ka parashikuar që të plotësojë disa dokumenta, për të shkamngur edhe gjyqet. Kur ka mbaruar arsimin, periudhën tjetër duhet të provojë që nuk ka qenë e dënuar dhe më pas me plotësimin e një formulari se ku ka punuar dhe ngrihet një komision që i vlerëson.

Në të gjitha kooperativat ka mungesa të pjesshme. Në këtë rast bëhen përpjekje maksimale, duke kërkuar vjetërsinë e punës në arkivin qendror dhe kur gjendet zgjidhet, kur nuk gjendet u drejtohen gjyqeve”, tha Hoxha./vizionplus.tv