Trump: Flas çdo ditë në telefon me Netanyahu-n, kemi marrëdhënie shumë të mirë

Donald Trump zbuloi të mërkurën mbrëma se ai flet në telefon pothuajse çdo ditë me Benjamin Netanyahu, duke siguruar se ai mban një “marrëdhënie shumë të mirë” me kryeministrin izraelit.

“Bibi më telefonoi dje, më thirri një ditë më parë”, tha kandidati republikan i Shtëpisë së Bardhë, duke përdorur pseudonimin e Netanyahut.

“Ne kemi një marrëdhënie shumë të mirë”, siguroi ai, gjatë fjalimit të tij parazgjedhor në shtetin e Gjeorgjisë.

“Ne do të punojmë shumë ngushtë me të”, shtoi ai.

Donald Trump i ishte referuar tashmë një bisede telefonike mes të dyve të shtunën, kur tha se kryeministri izraelit donte të dinte “pikëpamjen time për çështjet”.

Biseda më e fundit telefonike e njoftuar mes presidentit demokrat në largim të SHBA-së Joe Biden dhe Benjamin Netanyahu u zhvillua më 17 tetor. Në të, Biden “përgëzoi” kryeministrin izraelit për vdekjen e liderit të Hamasit, Yahya Shinwar, sipas Shtëpisë së Bardhë.

Gjatë vizitës së tij në Kongresin Amerikan në fund të korrikut, Netanyahu foli ngrohtësisht dhe nderoi Donald Trump, duke e falënderuar atë për “gjithçka që ka bërë për Izraelin”. /vizionplus.tv