Presidenti i Republikës, Bajram Begaj, priti sot në takimin përmbyllës të saj në Tiranë, presidenten e Komisionit Evropian, Ursula von der Leyen.
Në fokus të bisedës ishte rrugëtimi i Shqipërisë në Bashkimin Europian dhe hapja e negociatave për grupkapitullin e parë.
Ishte vetë Von der Leyen, e cila shkruajti në një postim në platformën ‘X’, vlerësimin për angazhimin e Presidentit Begaj për të ardhmen e Shqipërisë në BE.
“E vlerësoj thellësisht angazhimin tuaj personal për të ardhmen e Shqipërisë në Bashkimin tonë. Si dhe perspektiva juaj unike për pajtimin, integrimin dhe prosperitetin e rajonit”, tha ajo.
Presidenti Begaj përgëzoi Von der Leyen për vendosjen e integrimit të Shqipërisë dhe të Ballkanit Perëndimor në BE në krye të përparësive përgjatë mandatit të dytë të saj si Presidente e Komisionit Evropian.
Zyrtarja e lartë e Unionit mbërriti në Tiranë një ditë më parë ku zhvilloi një takim edhe me kryeministrin Edi Rama si nisje të turit që po zhvillon në vendet e Ballkanit Perëndimor. /vizionplus.tv