Në 2023-shin, më shumë aksidente! Në një ditë ndodhin mesatarisht 11 aksidente

Nga statistikat e urgjencës kombëtare rezulton se këtë vit janë shënuar mesatarisht 11 aksidente në ditë, nga 9 në ditë që pati vitin e kaluar.

3858 aksidente gjatë 2023, 3293 aksidente në vitin 2022.  Makina – 2049 / motor – 847 / këmbësorë – 505 / biçikleta 429.

Autoambulancat e Urgjencës Kombëtare janë të parat që mbërrijnë në vendngjarje dhe sipas kreut të kësaj qendre, Dr Skënder Brata, është shtuar lëvizshmëria edhe për shkak të rritje së turizmit, ku në jo pak raste janë shënuar aksidente nga të huajt.

Përveç mosrespektimit të rregullave të qarkullimit, një ndër shkaktarët e numrit të lartë të aksidenteve është përdorimi i automjetit nën efektin e alkoolit dhe substancave narkotike, për të cilët Brataj thekson se persona konsumatorë të lëndëve narkotike  duhen regjistruar në mënyrë që t’i hiqet patenta.

Dr Brataj u bën thirrje qytetarëve të bëjnë sa më shumë kujdes në këto ditë festash, ku ka lëvizje të shtuar, sidomos në kryeqytet.

Top Channel